Noreg i nord, sør, aust og vest

Hovudlandet er Noreg utan Svalbard og Jan Mayen, altså det norske fastlandet med alle øyar, holmer og skjer innafor grunnlinja.

Hovudlandet blir ofte brukt synonymt med Fastlands-Noreg, men sistnemnte omfattar strengt tatt ikkje øyane, holmane og skjera langs kysten.

Posisjonane til ytterpunkta blir gitt i ETRS89/WGS84 (koordinatsystem).

Nordlegaste punkt i Noreg

Rossøya, nord for Nordaustlandet på Svalbard, grunnlinjepunkt nummer SV140: 80° 49' 44,41" nordleg breidde (20° 20' 32,29" austleg lengde frå Greenwich) er nordlegaste punkt i kongeriket Noreg.

Nordlegaste punkt på hovudlandet (øy)

Skjeret ved nordspissen av Knivskjelodden på Magerøy i Nordkapp kommune, grunnlinjepunkt nummer NM13 (tidlegare nr. 12): 71° 11' 08,5676" nordleg breidde (25° 40' 30, 7970" austleg lengde frå Greenwich) er nordlegaste punkt på hovudlandet.

Ein firkanta, konisk varde av altaskifer vart bygd her i regi av Den Norske Turistforening (DNT). "Tusenårsvarden" vart innvigd av Vegard Ulvang.

Nordlegaste punkt i Fastlands-Noreg

Kinnarodden på Nordkinnhalvøya i Lebesby kommune: 71° 08' 02,4780" nordleg breidde (27° 39' 13,6274" austleg lengde frå Greenwich) er det nordlegaste punktet på fastlandet.

Sørlegaste punkt i Noreg

Skjeret Pysen sør for Odden nær Tregde i Lindesnes kommune, grunnlinjepunkt nummer NM89 (tidlegare nr. 106): 57° 57' 30, 6353" nordleg breidde (07° 33' 52,3010" austleg lengde frå Greenwich) er sørlegaste punkt på Noregs hovudland.

Sørlegaste punkt i Fastlands-Noreg

Lindesnes i Lindesnes kommune med Nesvarden: 57° 58' 46,2797" nordleg breidde (07° 03' 19,1840" austleg lengde frå Greenwich) er Fastlands-Noregs sørlegaste punkt.

I nokre samanhengar vert Lindesneshalvøya vurdert som ei øy. Ifølgje FNs definisjon er området ikkje ei øy, sidan Spangereidkanalen er eit menneskeskapt inngrep. Om Lindesnes likevel blir vurdert som ei øy, er Odden på nordsida av Skjernøysundet i same kommune (ca 4 km søraust for Mandal by) sørlegaste fastlandspunkt: 58° 00' 12,5993" nordleg breidde (07° 30' 47,6893" austleg lengde frå Greenwich).

Austlegaste punkt i Noreg

Kræmerpynten på Kvitøya på Svalbard, grunnlinjepunkt nummer SV084: (80° 13' 45,28" nordleg breidde) 33° 30' 58,74" austlege lengde frå Greenwich er austlegaste punkt i Noreg.

Austlegaste punkt på hovudlandet (øy)

Hornøya nordaust for Vardø ligg i Vardø kommune, og har grunnlinjepunkt nummer NM03 (tidlegare nr. 3): (70° 23' 12,6393" nordleg breidde) 31° 10' 06,9360" austleg lengde frå Greenwich inneber at dette er hovudlandets austlegaste punkt.

Austlegast punkt i Fastlands-Noreg

Kibergneset sør for Vardø i Vardø kommune, har grunnlinjepunkt nr. NM02 (tidlegare nr. 2): (70° 17' 20,9612" nordleg breidde) 31° 03' 51,5469" austleg lengde frå Greenwich gjer dette til det austlegaste punktet på fastlandet.

Vestlegaste punkt i Noreg

Høybergodden på Jan Mayen, grunnlinjepunkt nummer JM19: (70° 51' 49,05" nordleg breidde) 09° 04' 38,86" vestleg lengde frå Greenwich er Noregs vestlegaste punkt.

Vestlegaste punkt på hovudlandet (øy)

Holmebåen ligg utanfor Ytre Sula i Solund kommune, nord for Sognefjordens munning. Grunnlinjepunkt nr. NM63 (tidlegare nr. 70) (61° 04' 24,0727" nordleg breidde) ligg på 04° 29' 57,0166" austleg lengde frå Greenwich. Dette er hovudlandets vestlegaste punkt.

Vestlegaste punkt i Fastlands-Noreg

Vardetangen på Lindåshalvøya vest for Mongstad i Austrheim kommune nordvest for Bergen: (60° 48' 36,6146 nordleg breidde) 04° 56' 43,1825" austleg lengde frå Greenwich gjer dette til det vestlegaste punktet på fastlandet.