Kartlegging i Vestland 2022

Ein er også i godt i gang med eit nytt prosjekt med historiske ortofoto, og eit prosjekt som vil gi betre kart i fjellområder fylket.

Hardanger 2022 LACHVL21

Flyfotografering i kommunane Ullensvang, Ulvik og Kvam. Flybileta vert brukt til etablering av ortofoto, til matching av overflatemodell, og som grunnlag for nykonstruksjon av FKB-B kartgrunnlag.

Klikk for å sjå heile kartutsnittet

Stad Gloppen 2022 LACHVL22

Flyfotografering i kommunane Stad og Gloppen. Flybileta vert brukt til etablering av ortofoto, til matching av overflatemodell, og som grunnlag for FKB-B kartkonstruksjon.

Klikk for å sjå heile kartutsnittet

Lærdal 2022 LACHVL23

Flyfotografering i Lærdal kommune. Flybileta vert brukt til etablering av ortofoto, til matcing av overflatemodell, og som grunnlag for ajourføring av FKB-B kartgrunnlag.

Klikk for å sjå heile kartutsnittet

Laserskanning Hardanger Lærdal 2022 LACHVL21/23

Laserskanning i Geovekst-prosjekta Hardanger og Lærdal er samla og lyst ut som eit eige oppdrag.

• Laserskanning med 10 punkt pr m2 i kommunane Ullensvang, Ulvik, Kvam, Samnanger og Lærdal. Oppdraget er delt i tre områder, Hardanger som er teikna i lilla farge, Lærdal nedre i raud farge og Lærdal opsjonsområde som er teikna i grøn farge.
• Laserdata vert brukt som høgdegrunnlag i Geovekst-prosjekta Hardanger 2022 og Lærdal 2022, til vedlikehald av nasjonal detaljert høgdemodell (NDH) og til produksjon av høgdekurver.
• Det er bedt om klassifisering av høgspent (klasse 13 Ledning – Beskyttelse, 14 Ledning, 15 Mast, 19 Flymarkør) samt opsjon på RGB til punktsky, opsjon vektorisering av høgspent og opsjon NRL-leveranse høgspent.

Klikk for å sjå heile kartutsnittet

Historiske ortofoto Vestland fylke LACHVL06

Dette er andre runde med historiske ortofoto i fylket. Prosjektet er i produksjon og det vil kome puljevise leveransar med historiske ortofoto i kommunane gjennom hausten 2022 og vinter/vår 2023. Prosjektet omfattar:

• 54 flyoppgåver, cirka 12 300 flybilete frå 1980-talet
• 20 flyoppgåver, cirka 2 300 flybilete eldre «nitratfoto» frå 1935-1962

Klikk for å sjå heile kartutsnittet

FKB C fjell og kystområder Vestland fylke LACHVL05

Omløpsfoto frå 2019 og 2020 vert brukt som grunnlag for etablering av betre kartdata i fjell og kystområder. Prosjektet er i oppstartsfasen, og omfattar fjellområder i kommunane Etne, Kvinnherad, Ullesvang, Kvam, Vaksdal, Modalen, Alver, Masfjorden, Solund, Gulen, Askvoll, Hyllestad, Fjaler, Høyanger, Vik, Lærdal, og Sunnfjord.

Klikk for å sjå heile kartutsnittet

Om Geovekst-samarbeidet

Det er dei lokale partane i Geovekst-samarbeidet som står bak prosjekta. Nyproduserte data inngår i det offentlege kartgrunnlaget og vert tilgjengeleg mellom anna via:

• norgeibilder.no
• hoydedata.no
• norgeskart.no

I tillegg til lokale Geovekst-prosjekt vert det også gjennomført datafangst i Vestland fylke i regi av Kartverket:

• Kartverkets sjødivisjon måler behovsbasert langs kysten med multistråle ekkolodd. Sjå tilgjengelege djupnedata i portalen dybdedata.no
• Nasjonal detaljert høgdemodell (NDH), som no har full dekning av detaljerte høgdedata i fylket
• Nasjonalt program for omløpsfotografering (hak av for «Omløpsfotografering plan» i menyen).