Fylkesgeodataplan for Rogaland

Kartverket Rogaland er sekretariat for fylkesgeodatautvalet i Rogaland, og utarbeider utkast til nye geodataplanar. Utkastet er basert på mottekne innspel om kartleggingsbehov, ønska prioriteringar frå partane i fylket og føringar gitt frå myndigheitene.

Det er fylkesgeodatautvalet for Rogaland som vedtek geodataplanen og hovudsatsingsområda i planperioden.

Hovudsatsingsområda i planperioden

Fylkesgeodatautvalet i Rogaland vil ha følgande fokusområde og satsingar i planperioden:

• Sluttføre vegadresser i Rogaland.
• Få alle relevante detalj- og reguleringsplanar over på digitalt vektorformat.
• Auke tilgjenget til oppdaterte plandata gjennom sentral forvaltning (geosynkronisering).
• Gjennomføre regionsvise møte med dei samarbeidande kommunane.
• Få fleire datasett inn i Det offentlege kartgrunnlaget (DOK).
• Gi grunnlag for å førebygge og handsame kriser på ein betre måte.
• Vidare utvikling av prosjektet Temadata Rogaland.
• Hamnedata i sentral felles kartdatabase (SFKB).
• Djupnedata, inkludert oppfølging av Marine grunnkart i kystsona.
• Sluttføre resterande mellombels forretningar (MF) og attståande forretningar utan fullført oppmåling (MUF).
• Følge opp arbeidet i faggruppene for BI-verktøy og analyseverktøy, samt brukarforum for Nasjonal vegdatabank (NVDB).
• Sikre samordning mot aktivitetar i nasjonal geodatastrategi:
  • Halde oss orientert om aktivitetar i geodatastrategien.
  • Vere ein aktiv bidragsytar til å koma med innspill til nasjonale satsingar.
• Forbetre kvalitet på AR5.
• Laserpunktskanning (minst 10 pkt/m²) av strøm-/signal-førende luftnett for nødvendig datafangst til NRL (luftfartshinder) rapportering.

Fylkesgeodataplanens oppbygging

Geodataplanen er ein plan for Noreg digitalt-samarbeidet i dei enkelte fylka. Han omhandlar det dei lokale partane samarbeider om eller planlegg å samarbeide om i sin region. Arbeid som dei enkelte partane har ansvar for, men som ikkje er omfatta av samarbeidet, er ikkje ein del av denne fylkesgeodataplanen.

Planen har av to delar:

• Eit fellesdokument som er likt i alle fylka i landet. Dette dokumentet inneheld generell informasjon og overordna føringar for det lokale geodatasamarbeidet i Noreg digitalt. Her er det ei kort innføring i korleis Noreg digitalt-samarbeidet er organisert og kva som er dei viktigaste rammevilkåra for samarbeidet lokalt. Dette dokumentet skal vere likt for alle fylke og ikkje endrast lokalt.
• Ein fylkesgeodataplan som er utarbeidd spesielt for eit fylke eller ein region. Fylkesgeodataplanen handlar om dei aktivitetane det blir samarbeidd om lokalt.

I tillegg er det utarbeida ein handlingsplan som samstiller alle tiltaka for kvart enkelt prosjekt.

• Fellesdokument til geodataplan 2023-2026.pdf
• Fylkesgeodataplan for Rogaland 2023-2026.pdf
• Handlingsplan til fylkesgeodataplanen for Rogaland 2023-2026.xlsx