Dát artihkal gávdno maiddái dárogillii, geahča Stadnamn og rettskriving.

Dárogiela riektačállimis leat mis čállingiela main leat guokte riektačállinnjuolggadusa; girjedárogiella ja ođđadárogiella. Dasa lassin leat mis guovllolaš dahje unnitlohkogielat, sámegiella (máttasámegiella, julevsámegiella, davvisámegiella) ja kvenagiella.

Dárogiella

Ovddeš normerennjuolggadusat báikenamaide, 1912 rájes gitta dassážii go báikenamaid čállinvuogi  njuolggadusat bohte, mearridedje ahte ođđadárogiela riektačállin (riikagiela riektačállin) galggai čuvvojuvvot. Ovdamearkka dihte galggai čállit -vatn ja –skjer miehtá riikka, vaikko daddjojuvvui /vann/ ja /skjær/.

Otná njuolggadusain leat goappašat målformer ovtta dásis. Váldonjuolggadusa lea ahte vuođđun galgá leat báikkálaš árbejuvvon dadjanvuohki ja čállinvuohki galgá čuovvut dárogiela gustovaš riektačállinprinsihpaid (girjedárogiella dahje ođđadárogiella).

Lea eahpeáššálaš earuhit gaskal girjedárogiela ja ođđadárogiela báikenamaid čállinvuogis. Jávrenama Mjøvann Skien gielddas galgá ovdamearkka dihte čállit nie teavsttain mat leat sihke girjedárogillii ođđadárogillii, ja Botsvatn ja Kaldsvatn Bykle gielddas galga fas čállit vatn-sániin.

Máŋggagielat guovllut

Báikenammalága § 11 nuppi oasis daddjojuvvo ahte máŋggagielat guovlluin galget sámi ja kvena namat mat geavahuvvojit olbmuid gaskkas geat ásset bissovaččat dahje geain lea ealáhuslaš čanastupmi báikái, galget leat almmolaš anus dábálaččat, omd. kárttain, šilttain, registariin, ovttas vejolaš dárogiel namain.

§ 4 nammalága njuolggadusain čilge davvisámegiela, julevsámegiela ja máttasámegiela riektačállima geográfalaš viidodaga.

Sámegiela hálddašanguovlu

Sámegiela hálddašanguovlluin galgá namaid vurrolasvuohta leat sámegiella, dárogiella, kvenagiella.

Sámegiela hálddašanguvlui gullet golbma davimus fylkkagieldda ja dát gielddat (sirrejuvvon fylkkaid mielde):

Troms og Finnmark – Romsa ja Finnmárku – Tromssa ja Finmarkku:
Guovdageaidnu – Kautokeino, Kárášjohka – Karasjok, Deatnu – Tana, Unjárga – Nesseby, Porsanger – Porsáŋgu – Porsanki (gielddanamma oktan gielddanma maŋŋálasvuođain mearriduvvui ovdal go gustovaš vurrolasvuođanjuolggadus bođii fápmui), Gáivuotna – Kåfjord – Kaivuono, Loabák – Lavangen

Nordlánda:
Aarborte – Hattfjelldal, Hábmer – Hamarøy

Trøndelag – Trööndelage:
Snåase – Snåsa, Raarvihke – Røyrvik, Røros

Máŋggagielat fylkka- ja gielddanamat

Troms og Finnmark – Romssas ja Finnmárkkus – Tromssa ja Finmarkku leat golmmagielat namat,  Trøndelag – Trööndelagesne lea fas lea guovttegielat namma.

Gielddat main leat guovttegielat namat:

  • Gávcci gieldda Romssas ja Finnmárkkus: Guovdageaidnu – Kautokeino, Kárášjohka – Karasjok, Deatnu – Tana, Unjárga – Nesseby, Loabák – Lavangen, Harstad – Hárstták, Tjeldsund – Dielddanuorri, Hammerfest – Hámmerfeasta
  • Njeallje gieldda Norlánddas: Hábmer – Hamarøy, Fauske – Fuossko, Sortland – Suortá, Aarborte – Hattfjelldal
  • Njeallje gieldda Trøndelágas: Snåase – Snåsa, Raarvihke – Røyrvik, Namsos – Nåavmesjenjaelmie

Gielddat main leat golmmagielat namat:

  • Njeallje gieldda Romssas ja Finnmárkkus: Porsanger – Porsáŋgu – Porsanki, Storfjord – Omasvuotna – Omasvuono, Gáivuotna – Kåfjord – Kaivuono, Nordreisa – Ráisa – Raisi

Dan geažil go sámegiella ja kvenagiella leaba kasusgielat, de galgá geavahit genitivhámi báikenamaas go fyllkka ja gieldda namahus (funkšuvdnalasahus) lea mielde.

Máŋggagielat fylkka- gielddanamat (sámegielnamma čuožžu ovddemus gielddain mat leat mielde sámegiela hálddašanguovllu, earret Porsáŋggu gielddas, geahča bajábealde):

Fylkka namma
Fylkka nammaFylkka namma funkšuvdnalasáhusain
Troms og Finnmark – Romsa ja Finnmárku – Tromssa ja Finmarkku Troms og Finnmark fylke – Romssa ja Finnmárkku fylka – Tromssan ja Finmarkun fylkki
Trøndelag – Trööndelage Trøndelag fylke – Trööndelagen fylhke

 

Romsa ja Finnmárku
GielddanammaGielddanamma funkšuvdnalasahusain
Guovdageaidnu – Kautokeino  Guovdageainnu suohkan – Kautokeino kommune
Kárášjohka – Karasjok  Kárašjoga gielda – Karasjok kommune
Deatnu – Tana Deanu gielda – Tana kommune
Unjárga – Nesseby  Unjárgga gielda – Nesseby kommune 
Porsanger – Porsáŋgu – Porsanki  Porsanger kommune – Porsáŋggu gielda – Porsangin komuuni
Hammerfest – Hámmerfeasta Hammerfest kommune – Hámmerfeastta suohkan
Gáivuotna – Kåfjord  Kaivuono Gáivuona suohkan – Kåfjord kommune  Kaivuonon komuuni
Loabák – Lavangen Loabága suohkan – Lavangen kommune
Harstad - Hárstták Harstad kommune - Hársttáid suohkan
Storfjord – Omasvuotna – Omasvuono Storfjord kommune – Omasvuona suohkan – Omasvuonon kunta
Nordreisa – Ráisa – Raisi Nordreisa kommune – Ráissa suohkan – Raisin komuuni
Tjeldsund – Dielddanuorri Tjeldsund kommune – Dielddanuori suohkan

 

Nordlánda
GielddanammaGielddanamma funkšuvdnalasahusain
Hábmer Hamarøy Hábmera suohkan  Hamarøy kommune
Fauske  Fuossko Fauske kommune  Fuosko suohkan
Sortland - Suortá Sortland kommune - Suorttá suohkan
Aarborte – Hattfjelldal Aarborten tjїelte – Hattfjelldal kommune

 

Tröndelaage
GielddanammaGielddanamma funkšuvdnalasahusain
Snåase – Snåsa Snåasen tjïelte – Snåsa kommune
Raarvihke – Røyrvik  Raarvihken tjïelte – Røyrvik kommune 
Namsos – Nåavmesjenjaelmie Namsos kommune – Nåavmesjenjaelmien tjïelte